Satya Sai Srinivas, Tulasi, NIT TRICHY
పోలియో వ్యాధికి వ్యతిరేకంగా భారతదేశం సాధించిన విజయానికి గుర్తుగా మార్చి 16న జాతీయ టీకా దినోత్సవాన్ని జరుపుకుంటారు. ఈరోజు 1995లో భారతదేశంలో ఓరల్ పోలియో వ్యాక్సిన్‌ను మొదటి డోస్‌ను అందించారు.భారతదేశం పోలియో వ్యాక్సిన్‌ను అభివృద్ధి చేసినప్పటికీ, యుఎస్‌లో జోనాస్ సాల్క్ అభివృద్ధి చేసిన నిష్క్రియాత్మక వ్యాక్సిన్ మరింత ప్రభావవంతం అని నిరూపించబడింది. అయినప్పటికీ, పోలియో పరిశోధనలో భారతదేశం అగ్రగామిగా ఉంది మరియు ఓరల్ పోలియో వ్యాక్సిన్ తయారు చేయడంలో సహాయపడింది.
టీకాలు వేయడం వందల సంవత్సరాల నాటిది. ఎడ్వర్డ్ జెన్నర్ 1976లో వ్యాక్సినియా వైరస్ (కౌపాక్స్)తో 13 ఏళ్ల బాలుడికి టీకాలు వేసి, మశూచికి రోగనిరోధక శక్తిని ప్రదర్శించిన తర్వాత టీకా శాస్త్ర స్థాపకుడిగా పరిగణించబడ్డాడు.
ఇటీవల వైరస్ తో మనం చేసిన యుద్ధంలో చిన్న పెద్ద తేడా లేకుండా ఆరోగ్యవంతులు కూడా బలి అవ్వటం కళ్ళారా చూసాము. ఇటువంటి పెద్ద మహమ్మారి అయిన ఎన్నో రోగాలతో మానవజాతి ఎప్పటినుండో పోరాడుతుంది. ఈ టీకా కనుగొనుటకు ఎందరో కృషి పట్టుదల త్యాగం దాగి ఉంటాయి.వారి కష్టానికి కృతజ్ఞత చూపటం ఎంత అవసరమో నాడు ఊపిరి అందక ఔషధం కోసం కొట్టుమిట్టాడిన కోవిడ్ బాధితులకు తెలుసు.టీకా కనుకొనడం తో అల్లకల్లోలం లో ఉన్న ప్రపంచం ఒక్కసారిగా ఊపిరి పీల్చుకుంది,ఇళ్లలో భయం భయం గా బతికే రోజులు పోయాయి,బంధుమిత్రులను కోల్పోయి బాధలో ఉన్న మనసులకు ఇక చావులు ఉండవు అని భరోసా ఇచ్చింది.
ఈ టీకా దినోత్సవం సందర్భంగా, ప్రపంచ మహమ్మారి మరియు ప్రపంచ ప్రజలకు మధ్య కవచంగా ఉన్న వైద్య సిబ్బందికి పూజలు చేసినా తక్కువే.
మరి ఇంత కష్టపడి తమ ప్రాణాలను లెక్క చేయక ప్రయోగాలు చేసి కనుగొన్న టీకా ను అందరం వేయించుకోవడం మన కనీస బాధ్యత కదా!! అలానే మారుమూల గ్రామాల వారికి టీకా యొక్క ఆవశ్యకతను తెలిపి వారికి టీకాలు అందుబాటులో ఉండేలా చూడటం నేటి జాతీయ టీకా దినోత్సవం యొక్క ముఖ్య ఉద్దేశం.
వ్యాక్సినేషన్ లేదా ఇమ్యునైజేషన్ అనేది అత్యంత ప్రభావంతమైన అంటు వ్యాధుల నివారణ పద్ధతి.ప్రజారోగ్యం, ఆయుర్దాయ ప్రమాణాలను మెరుగుపరచడానికి ఇంకా జాతీయ స్థాయిలో సామాజిక మరియు ఆర్థిక బలం పెంచడానికి టీకాలు వేయడం చాలా కీలకం. వ్యాక్సిన్‌ల అభివృద్ధి బహుశా మానవుని యొక్క అత్యంత ముఖ్యమైన విజయాలలో ఒకటి. ఆరోగ్యంగా ఉన్నామని నిర్ధారించే పరిశోధకులు, శాస్త్రవేత్తలు మరియు ఆరోగ్య కార్యకర్తలకు ధన్యవాదాలు తెలిపేందుకు జాతీయ టీకా దినోత్సవం సరైన అవకాశం.
Comments