5 best places to spend your holiday, India | National Tourism day | Article in Telugu

-Surya Prakash, Civil Engineering, NIT Trichy

భారతదేశం పర్యాటకులకు స్వర్గమువంటిది. పర్యాటన దేశ ఆర్థిక వ్యవస్థలో, సంస్కృతీ లో ముఖ్యమైన పాత్ర పోషిస్తుంది. జాతీయ పర్యాటక దినోత్సవమైన ఈ రోజు సంద్భంగా మన దేశంలో అయిదు ముఖ్యమైన పర్యాటక ప్రదేశాల గురించి తెలుసుకుందాం.

1. ఢిల్లీ:

ఢిల్లీ నగరం దేశంలోని పెద్ద నగరాలలో ఒకటి మాత్రమే కాదు, ఆధునికత మరియు సాంప్రదాయకతలకు ప్రతీకగా నిలిచి సందర్శకులకు చెరగని మధురానుభూతులను కలిగించే ముఖ్య నగరం. అధికారికంగా, ఈ నగరం దేశానికి రాజధాని. పురాతన ఢిల్లీ మరియు కొత్త ఢిల్లీ అనే పేర్ల తో ఢిల్లీ లోని రెండు ప్రదేశాలు వాటి వాటి చరిత్ర, సంస్కృతి, ఎన్నో రకరకాల అద్భుత ప్రదేశాలతో ప్రతి సందర్శకుడిని మురిపిస్తాయి. అంతే కాదు, దేశ రాజధాని అయిన కారణంగా, దేశం లో జరిగే ప్రతి ఒక్క రాజకీయ కార్యాలకు ముఖ్య కేంద్రంగా వుంటుంది. హిందువుల ప్రధాన పండుగలు దీపావళి నుండి మహావీర్ జయంతి వరకు, హోలీ, కృష్ణ జన్మాష్టమిల నుండి గురు నానక్ జయంతి వరకూ ఇక్కడ ఘనంగా జరుపుతారు. కుతుబ్ పండుగ, వసంత పంచమి, వరల్డ్ బుక్ ఫెయిర్, ఇంటర్నేషనల్ మంగో ఫెస్టివల్ వంటివి కూడా ప్రతి సంవత్సరం జరుగుతాయి.

ఢిల్లీ నగరం పూర్తిగా గతించిన కాల చరిత్రలోని ఎన్నో నిర్మాణ అద్భుతాలు కలిగి వుంది.. కుతుబ్ మినార్, రెడ్ ఫోర్ట్, ఇండియా గేటు, లోటస్ టెంపుల్ , అక్షరధాం దేవాలయం వంటివి ముఖ్య ఉదాహరణలు. ఈ దేశ రాజధాని లో పార్లమెంట్ హౌస్, ప్రెసిడెంట్ ఆఫ్ ఇండియా నివాసమైన రాష్ట్రపతి భవన్, మహాత్మా గాంధిని సమాధి చేసిన రాజఘాట్, వంటి పర్యాటక కేంద్రాలకు నిలయమై వుంది. చరిత్ర ప్రియులు తప్పక దర్శించవలసిన ఢిల్లీ ఒక రాజధానిగా ఎన్నో సామ్రాజ్యాలకు ఆలంబనగా విస్తారమైన చరిత్ర కలిగి వుంది. ప్రఖ్యాత కుతుబ్ కాంప్లెక్స్ నుండి రెడ్ ఫోర్ట్ వరకు మరియు చాలా గొప్ప సమాధుల నుండి చారిత్రక మెట్ల బావుల వరకు గతించిన చరిత్రకు నిదర్శనాలుగా నిలుస్తున్నాయి.

2. హైదరాబాద్:

తెలంగాణ రాష్ట్ర రాజధాని అయిన హైదరాబాద్ దక్షిణ భారత దేశంలో పర్యాటకులు తప్పక సందర్శించవలసిన ప్రదేశం. మూసీ నది ఒడ్డున ఉండే హైదరాబాద్ మహానగరం ప్రఖ్యాత ఖుతుభ్ షా రాజవంశీయుల లో ఒకరైన మొహమ్మద్ ఖులీ ఖుతుబ్ షా చేత 1591 లో ఏర్పాటయింది. సాంస్కృతిక గుర్తింపు పొందిన హైదరాబాద్ తెలుగు దేశం యావత్తూ గర్వపడేటువంటి నగరం. ఉత్తర భారత దేశ భాగం పూర్తయ్యి, దక్షిణ భారత దేశం భాగం మొదలయ్యే ప్రదేశం అయినందువల్ల హైదరాబాద్ లో రెండు విభిన్న సంస్కృతుల సమ్మేళనం కనిపిస్తుంది. పూర్వపు రోజుల నుండి సాహిత్యం, సంగీతం, కళలకు హైదరాబాద్ రాజధానిగా వ్యవహరించేది. ఇక్కడ తయారు చేసే హైదరాబాద్ దం బిర్యాని ప్రపంచవ్యాప్తంగా ప్రాచుర్యం పొందింది. సాంకేతిక పరిజ్ఞానం అభివృద్ధి చెందడం వల్ల ప్రస్తుతం భారత దేశం పటం లో హైదరాబాద్ నగరం అత్యుత్తమ స్థానాన్ని పొందింది. హై టెక్ కార్పొరేట్ ఆఫీసుల లోని బ్రతుకుతెరువు కోసం దేశం లోని వివిధ ప్రాంతాల నుండి హైదరాబాద్ కి తరలి వచ్చి ఎంతో మంది ఇక్కడ స్థిరపడుతున్నారు. ఎన్నో టెక్నో పార్క్స్ ఏర్పాటయినా, పురాతన ప్రపంచపు ఆకర్షణలైన మినార్స్, గాజుల మార్కెట్లు, ఖావో గలీస్ మరియు ఫోర్ట్స్ ని కాపాడుకుంటూ ఎంతో మందిని ఇక్కడికి ఆకర్షిస్తోంది.

చరిత్రకారులు మరియు బ్యాక్ పాకర్స్ కోసం ఎన్నో వింతలు దాచి ఉంచడంతో పాటు పర్యాటకులని అమితంగా ఆకట్టుకుంటోంది ఈ హైదరాబాద్ నగరం. గోల్కొండ ఫోర్ట్, చార్మినార్, సాలార్ జంగ్ మ్యూజియం మరియు హుస్సేన్ సాగర్ వంటివి హైదరాబాద్ లో ఉన్న ప్రముఖ పర్యాటక ఆకర్షణలలో కొన్ని. రైలు, రోడ్డు మరియు వాయు మార్గం ద్వారా హైదరాబాద్ నగరం అన్ని ప్రాంతాలకి చక్కగా అనుసంధానమై ఉంటుంది. అందువలన జాతీయ మరియు అంతర్జాతీయ పర్యాటకులు ఈ ప్రాంతం తప్పక సందర్శించవలసిన ప్రాంతం హైదరాబాద్.

3. అమ్రిత్సర్:

భారత దేశపు వాయువ్య ప్రాంతంలో కల పంజాబ్ రాష్ట్రంలోని అతి పెద్ద నగరాలలో అమృత్సర్ నగరం ఒకటి. ఇది సిక్కు జాతీయులకు సాంస్కృతికంగా, మత పరంగా ప్రధాన కేంద్రం. అమ్రిత్సర్ లో అనేక గురుద్వారాలు కలవు. వాటిలో హర మందిర్ సాహిబ్ ప్రధానం. దీనిని సాధారణంగా గోల్డెన్ టెంపుల్ అని అంటారు. పవిత్రమైన ఈ సిక్కుల నగరం ఏటా సుమారు ఒక లక్షకు పైగా సందర్శకులను ప్రపంచం నలుమూలల నుండి ఆకర్షిస్తుంది. బ్రిటిష్ పాలకులకు వ్యతిరేకంగా పోరాడిన కొన్ని ప్రదేశాలు, మహారాజ రంజిత్ సింగ్ మ్యూజియం, ఖైర్ ఉద్ దిన్ మసీద్, బతిండ ఫోర్ట్, సరగార్హి మెమోరియల్ మరియు గోవింద్ ఘర్ కోట మొదలైనవి. ఇండియా – పాకిస్తాన్ ల మధ్య కల సైనిక ప్రదేశాన్ని వాగా సరిహద్దు అంటారు. ఇక్కడ జరిగే పెరేడ్ చూసేందుకు ఎందరో పర్యాటకులు వస్తారు. అంతేకాక, ఈ నగరంలో అనేక హిందూ దేవాలయాలు దుర్గియానా టెంపుల్, మందిర్ మాతా లాల్ దేవి, ఇస్కాన్ టెంపుల్ , హనుమాన్ మందిర్ మరియు శ్రీ రామ్ తీర్థ్ టెంపుల్ కలవు. కైజర్ బాగ్, రాం బాగ్, ఖల్స కాలేజ్ మరియు గురు నానక్ దేవ్ యూనివర్సిటీ, తార్న్ తారన్ మరియు పుల్ కన్జారి వంటివి మరికొన్ని పర్యాటక ఆకర్షణలు.

4. ఆగ్రా:

ఆగ్రాలో అత్యద్భుతమైన తాజ్ మహల్ కాకుండా, ఆగ్రా కోట మరియు ఫతేపూర్ సిక్రీ అనే రెండు యునెస్కో(UNESCO) ప్రపంచ వారసత్వ ప్రదేశాలు ఉన్నాయి. ఆగ్రా చరిత్ర దాదాపు 11 వ శతాబ్దం నుండే మొదలయింది. చరిత్ర కాలంలో ఆగ్రా హిందూ మరియు ముస్లిం మత పాలకుల మధ్య చేతులు మారింది మరియు అందువలన రెండు సంస్కృతుల కలయిక లాగా ఉంటుంది. ప్రపంచవ్యాప్తంగా గుర్తింపుపొందిన మొట్టమొదటి అంతంలేనటువంటి ప్రేమకు గుర్తుగా కట్టిన సమాధి తాజ్ మహల్. దీనిని చక్రవర్తి షాజహాన్ తన ప్రియమైన భార్య ముంతాజ్ మహల్ మీద ఉన్న ప్రేమకు గుర్తుగా నిర్మించాడు. ఆగ్రాలో పర్యటన ఆగ్రా, జైపూర్, ఢిల్లీ కలిగిన బంగారు త్రికోణంలో ఆగ్రా ఒక భాగం. ఆగ్రా లో మరియు చుట్టూ ఉన్న పర్యాటక స్థలాలు

ఆగ్రాలో ఉన్న చారిత్రక కట్టడాలు మరియు భవనాలు నిస్సందేహంగా దాని ప్రధాన ఆకర్షణలుగా నిలుస్తున్నాయి. చిని కా రౌజా, దివాన్-ఇ-అం, మరియు దివాన్-ఇ-ఖాస్ వంటి స్మారక చిహ్నాలు మొఘల్ పాలనలో జీవితం ప్రావీణ్యతను చాటి చెప్పుతున్నాయి. ఇత్మద్-ఉద్-దౌలా సమాధి, మరియం జామని సమాధి, జస్వంత్ కి చ్చత్రి, చౌసత్ ఖంబ, మరియు తాజ్ మ్యూజియం వంటి ఆసక్తిని కలిగించే ఇతర ప్రాంతాలు కూడా ఉన్నాయి. భారతదేశం లోని ఇతర నగరాల్లో మాదిరిగా, ఆగ్రాలో కూడా మత సహనం ప్రతిబింబిస్తుంది మరియు ఇక్కడ జమ మస్జిద్, ప్రసిద్ధ హిందూ మతం దేవాలయమైన బాగేశ్వర్ నాథ్ దేవాలయం ఉన్నాయి. సందర్శకులను కేవలం ఆగ్రా మాత్రమే కాకుండా అక్కడి కొంగలు, సైబీరియన్ క్రేన్, సారస్ క్రేన్, బ్రాహ్మినీ బాతులు, బార్ తల ఉండే బాతు మరియు గద్వాల్ల్స్ మరియు షోవెల్లర్లు వంటి వలస పక్షులతో కీథం సరస్సు మరియు సుర్ సరోవర్ బర్డ్ అభయారణ్యం వద్ద సందర్శకులను స్వాగతిస్తుంటాయి.

5. అండమాన్ మరియు నికోబార్ దీవులు:

నికోబార్ దీవుల సముదాయంలోగ్రేట్ నికోబార్ పెద్ద దీవి. మిగిలిన దీవులకు ఈ ద్వీపం దక్షిణంగా ఉండి ఇందిరా పాయింట్ కలిగి ఉంటుంది. ఇండియాకు దక్షిణంగా చివరి ప్రదేశం అయిన గ్రేట్ నికోబార్ వివిధ మొక్కలకు, జంతువులకు, నీటి జీవాలకు అనేక రకాల పక్షులకు, పూవులకు నిలయంగా ఉంటుంది. పర్యాటకులను హనీమూన్ జంటలను ఈ బీచ్ ఎంతో ఆకర్షిస్థాయి. గ్రేట్ నికోబార్ చేరటం తేలికగానే ఉంటుంది. పోర్ట్ బ్లెయిన్ నుండి పవన్ హేన్స్ హెలికాప్టర్ సర్వీసులు కలవు లేదా బోట్లు, ఫెర్రీ సేవలు కలవు. పోర్ట్ బ్లెయిర్ నుండి బోటు లో ప్రయాణించే మార్గంలో అనేక ఇతర ఆకర్షణలైన లిటిల్ నికోబార్, నాన్ కౌరీ మరియు కార్ నికోబార్, ఉత్తర నికోబార్ గ్రూపు దీవులను ఉంటాయి.

గ్రేట్ నికోబార్ లో ఇందిరా పాయింట్ తర్వాత పర్యాటకులు అధికంగా చూసే ప్రదేశం కేంప్ బెల్ బే నేషనల్ పార్క్. అండమాన్ మరియు నికోబార్ దీవులలో కనపడే పక్షిజాతులలో చాలా భాగం ఈ దీవిలో కనపడతాయి. బర్డ్ వాచర్స్ కు ఇది ఒక స్వర్గంగా ఉంటుంది. ఇక్కడ కల నేషనల్ పార్క్ ఫొటోగ్రాఫర్ల స్వప్న సౌనధం. ఈ దీవిని వరల్డ్ వైడ్ ఫండ్ ఫర్ నేచర్ సంస్ధ కూడా గుర్తించింది.